بی آر ٹی کے باقی ماندہ کام پر تنازع، کنٹریکٹر کا کام سے انکار

پشاور بس ریپڈ ٹرانزٹ (بی آر ٹی) کے باقی ماندہ تعمیراتی کام پر تنازع کھڑا ہوگیا۔

بی آر ٹی کے باقی ماندہ کام پر تنازع، کنٹریکٹر کا کام سے انکار

جیو نیوز کے مطابق کنٹریکٹرز نے بی آرٹی روٹ پشاور اور تین میگا شاپنگ پلازوں پرکام سےانکار کردیا ہے جس کے باعث تینوں بس ڈپوز پر کئی ماہ سے کام تعطل کا شکار ہے۔

پشاور ڈیویلپمنٹ اتھارٹی نے شاپنگ پلازوں کی تعمیرکے لیےکنٹریکٹرز تبدیل کرنے کا فیصلہ کیا ہے اور ایشیائی ترقیاتی بینک نے کام سب کنٹریکٹرزکو دینے کی منظوری بھی دے دی ہے۔

پشاور ڈیویلپمنٹ اتھارٹی کا کہنا ہےکہ  معاملے کو خوش اسلوبی سے حل کرلیا ہے اور سب کنٹریکٹرپرانے ریٹس پر ہی باقی ماندہ کام مکمل کریں گے جب کہ بقایاجات کا مسئلہ حل کرنے کے لیے کمیٹی بنا دی ہے۔

دوسری جانب کنٹریکٹر کا کہنا ہےکہ پی ڈی اے نے 5 ارب 17کروڑ روپے کے بقایاجات روک رکھے ہیں اور  بلوں کی کٹوتی کی مد میں بھی ساڑھے تین ارب روپے واجب الادا ہیں۔

What's Your Reaction?

like
0
dislike
0
love
0
funny
0
angry
0
sad
0
wow
0