مریم نے نواز شریف کی سالگرہ پر موصول ہونے والے بھاری بھرکم کیک کا کیا کیا؟

پاکستان مسلم لیگ ن کے قائد میاں محمد نواز شریف کی سالگرہ آج منائی جارہی ہے اور ملک بھر میں ن لیگ کے کارکن اپنے قائد سے محبت کا اظہار مختلف طریقوں سے کررہے ہیں۔

مریم نے نواز شریف کی سالگرہ پر موصول ہونے والے بھاری بھرکم کیک کا کیا کیا؟

میاں نواز شریف علاج کی غرض سے لندن میں مقیم ہیں جبکہ خاندان کے دیگر افراد پاکستان میں ہیں، شہباز شریف اور حمزہ شہباز جیل میں ہیں اور مریم نواز تنہا ہی سیاسی سرگرمیوں میں حصہ لے رہی ہیں۔

سماجی رابطوں کی ویب سائٹ پر اپنے والد کو سالگرہ کا پیغام دیتے ہوئے مریم نواز نے ان کے پاس نہ ہونے کے غم کا بھی اظہار کیا۔

علاوہ ازیں مریم نے ٹوئٹر پر ایک بھاری بھرکم طویل کیک کی تصویر بھی پوسٹ کی اور لکھا کہ ’میاں نواز شریف کی سالگرہ پر موصول ہونے والا یہ اب تک کا طویل ترین کیک ہے، سمجھ نہیں آرہا اسے میٹرز میں ناپوں یا کلو میٹر میں لیکن اس کے ساتھ جو محبت ہے وہ بے حساب ہے‘۔

مریم نواز کی اس پوسٹ پر کسی صارف نے تجویز دی کہ اس کیک کو مریم نواز اپنی مرضی کے کسی فلاحی ادارے میں بھجوادیں جس پر مریم نے جواب دیا کہ وہ پہلے ہی ایسا کرچکی ہیں۔

What's Your Reaction?

like
0
dislike
0
love
0
funny
0
angry
0
sad
0
wow
0