پاکستان شوبز انڈسٹری کے بہترین دوست

کراچی: شوبز انڈسٹری سے تعلق رکھنے والے فنکاروں کو ایک دوسرے کا حریف سمجھاجاتا ہے اور اداکاراؤں کے درمیان سیٹ پر ہونے والی لڑائیوں کی خبریں اکثر میڈیا کی زینت بنتی ہیں جس کے باعث عوام میں ایسا تاثر جاتا ہے کہ اداکارائیں ہمیشہ لڑتی جھگڑتی رہتی ہیں۔

پاکستان شوبز انڈسٹری کے بہترین دوست

لیکن یہ سچ نہیں ہے فنکار آپس میں بہت اچھے دوست بھی ہوتے ہیں۔ یہاں ہم آپ کو پاکستان شوبز انڈسٹری کے ان فنکاروں کے بارے میں بتائیں گے جو آپس میں بہترین دوست ہیں۔

حالانکہ دونوں ایک دوسرے کے بالکل برعکس ہیں فواد خان شرمیلے جب کہ احمد علی بٹ بڑھ چڑھ بولنے والے ہیں لیکن اس کے باوجود دونوں ایک دوسرے کے بہترین دوست ہیں۔

سجل علی اور زارا نور عباس

اداکارہ سجل علی اور زارا نور عباس کی دوستی کسی سے ڈھکی چھپی نہیں دونوں ایک دوسرے کی بہترین دوست ہیں اور کئی انٹرویوز سمیت مختلف مواقعوں پر اس بات کا اظہار بھی کرچکی ہیں۔

حریم فاروق اورعلی رحمان

اداکارہ حریم فاروق اور علی رحمان ایک ساتھ کئی پراجیکٹس میں کام کرچکے ہیں اور ایک دوسرے کے نہ صرف بہت اچھے دوست ہیں بلکہ دونوں کی حس مزاح بھی بہترین ہے۔ یہی وجہ ہے کہ دونوں ایک دوسرے کی کمپنی کو انجوائے کرتے ہیں۔

صنم سعید اور ثروت گیلانی

اداکارہ صنم سعید اور ثروت گیلانی پہلی بار ایک ٹیلی فلم ’’دل میرا دھڑکن تیری‘‘ میں ایک ساتھ نظر آئی تھیں۔ اس ٹیلی فلم کے سیٹ پر دونوں کے درمیان بہت اچھی دوستی ہوگئی۔ اس کے بعد یہ دوستی ایک اسٹیج شو ’’دھانی‘‘ کے دوران مضبوط ہوگئی۔ ایک انٹرویو کے دوران صنم سعید نے اپنی پسندیدہ ساتھی اداکارہ کے طور پر ثروت گیلانی کا نام لیا تھا۔

مایا علی اور عثمان خالد بٹ

اس لسٹ کی آخری بہترین دوستوں کی جوڑی مایا علی اور عثمان خالد بٹ کی ہے۔ دونوں نے ایک ساتھ شوبز کی فیلڈ میں قدم رکھا اور ’’درشہوار‘‘، ’’ایک نئی سنڈریلا‘‘ اور’’عون زارا‘‘ جیسے کامیاب ڈراموں میں کام کیا۔ ان دونوں کی جوڑی کو شائقین کی جانب سے بھی بے حد پسند کیا گیا۔

مااضی میں مایا علی اور عثمان خالد بٹ کے بارے میں افواہیں بھی گردش کرنے لگی تھیں کہ دونوں کے درمیان رشتے کی نوعیت دوستی سے زیادہ ہے۔ لیکن دونوں نے ان افواہوں کو زیادہ سنجیدگی سے نہیں لیا۔

What's Your Reaction?

like
0
dislike
0
love
0
funny
0
angry
0
sad
0
wow
0